इटहरीमा पहिलो पटक अन्तर-बोर्डिङ स्तरको फुटबल प्रतियोगिता आयोजना गरिएको छ, जुन भाद्र २२ गते “पर्वत फिल्ड डुमरतक्का” मैदानमा सुरु भई असोज ३ गते समापन हुनेछ।
यस प्रतियोगिता चलचित्र क्षेत्रका उदयमान कलाकार, समाजसेवी, युवा व्यवसायी, युवा नेता, र खेलप्रेमीहरूको सक्रिय सहयोगमा सम्पन्न हुँदैछ। प्रतियोगितामा राज मेहता ज्युले विशेष सहयोग गर्दै हुनुहुन्छ। उहाँले खेलको सम्पूर्ण आयोजना र प्रायोजनमा महत्वपूर्ण भूमिका निभाउनु भएको छ, जसले प्रतियोगिताको स्तरलाई उच्च बनाउने विश्वास गरिएको छ।
आयोजकहरूले सबैलाई खेलमा सहभागी हुन र जित्नका लागि निमन्त्रणा दिएका छन्। “सँगै खेलौं, सँगै जितौं!” भन्ने नारासहित, यो प्रतियोगिता खेलकुद र फुटबलको प्रोत्साहनमा एक महत्त्वपूर्ण कदम साबित हुनेछ।
